Buteghieres y eserzizies publics de Gherdëina
Regulamënt dl cuncors cun pesc’ • Azion Bon Nadel 2008
| 1. |
149 butëighes y eserzizies publics de Gherdëina mët a jì per l tëmp danter i 17 de nuvëmber y i 23 de dezëmber 2008 n cuncors cun pesć numinà “BON NADEL”. |
| 2. |
Cun l retlam per l cuncors cun pesć scumëncen ai 10.11.2008. |
| 3. |
Pra chësc cuncors cun pesć pòssel fé pea duc chëi che compra ite tla butëighes o ti eserzizies publics che fej pea, ora che i patrons de chisc. |
| 4. |
Sce n compra ite tla butëighes y ti eserzizies publics che fej pea pra la scumenciadiva giàpen per uni 5,00 Euro che n spënd n pont – chësc pont a forma de bolin ie da taché su sun na cherta ulache l va su 20 ponc. |
| 5. |
Tantosc che la cherta ie plëina dëssen scrì su dovia l inuem y l’adres y pona la smaché ite te una dla urnes metudes su pra la purtines dla Cassa Raiffeisen de Sëlva de un di trëi chemuns de Gherdëina, Urtijëi, S. Cristina o Sëlva o scenó data ju te una dla butëighes o ustaries che fej pea pra la azion, che se cruzierà pona de la smaché ite tla urnes. |
| 6. |
I pesć vën trac ora danter 3 iedesc. N dumënia ai 7 de dezëmber, dala 17.00 a Urtijëi (plaza Rezia) vëniel trat ora la chertes smachedes ite tla urnes danter i 17 de nuvëmber y i 7 de dezëmber. N dumënia ai 14 de dezëmber, dala 17.00 a S. Cristina (marcià da Nadel, raion Iman) vëniel trat ora chëles smachedes ite danter i 8 y i 14 de dezëmber y n merdi ai 23 de dezëmber, dala 21.00 te Sëlva (plaza Nives) la chertes smachedes ite tla urnes danter i 15 y i 23 de dezëmber. |
| 7. |
Chisc trëi iedesc vëniel trat ora i 6 pesć che vën do:
• n viac per doi persones “crociera ” (da tré ora danter chisc trëi luesc: 18.05.2009 Grecia, 24.05.2009 Mediterraneo, 18.10.2009 Oriente, dl valor de € 4.000,00).
• n viac de n’ena per doi persones “all inclusive” (da tré ora danter chisc trëi luesc: Egitto, Marocco y Tunisia, dl valor de € 1.500,00).
• 1 “short stay” de 3 o 4 dis per doi persones tl Adler Thermae tla Toscana, da n valor de € 600,00 prun.
• 1 „weekend cun musical“ per doi persones (da tré ora danter chisc trëi luesc: Paris, Berlin, Hamburg, da n valor de € 900,00).
• 1 bonn da € 500,00 (cincënt) da pudëi spënder te un di eserzizies che fej pea pra la azion.
• 1 bonn da € 1000,00 da pudëi spënder te un di eserzizies che fej pea pra la azion, per chësc pest muessa chël che vënc vester iló a se l tò. |
| 8. |
N messerà jì a se tò l pest dan i 31.01.2009 y l adurvé su dan i 31.12.2009, l urganisadëur dla azion renunzieia de s’la fé valëi pra chëi che à venciù aldò dl art. 30 dl DPR 600/73 mudà cun l art. 19, coma 2, lege 449/97. |
| 9. |
I pesć che ne n’ie nchin a chësc di nia unic dac via, unirà dac a chësta lia zënza fins de davani: “Vinzenzverein Onlus” cun sënta a Urtijëi, streda Stufan 1, cod. fisc. 94059970213. |
Firma che mët a jì la azion: Konditorei Perathoner des Perathoner Guido Vincenzo, Via Mulin da Coi 21, 39047 S.Cristina - P.I. 00747000214 Cod. fisc. PRTGVN68A27B160K
Defendura de dac persunei (art. 13, D.lgs 196/3003)
I dac persunei che vën dac ju per fé pea pra l cuncors unirà nce tratei dal urganisadëur tla forma digitela, ma mé
per chël che à da n fé cun chësc cuncors da pesć A chisc dac ne puderà degun auter ti ruvé permez. L ie de
cumpetënza di partezipanc de se fé valëi la rejons ududes danora dal art. 17 dla lege 196/2003; i puderà ruvé
permez ai dac damandan de i cumedé, de junté velch y de i sferië ora o de i fermé.
|
|
