1. Butëighes y eserzizies publics de Gherdëina mët a jì per l tëmp danter i 19 de nuvëmber y i 23 de dezëmber
2007 n cuncors cun pesc´ numinà
“BON NADEL”.
2. Cun l retlam per l cuncors cun pesc´ scumëncen ai 10.11.2007.
3. Pra chësc cuncors cun pesc´ pòssel fé pea duc chëi che compra ite tla butëighes o ti eserzizies publics che fej
pea, ora che i patrons de chisc.
4. Sce n compra ite tla butëighes y ti eserzizies publics che fej pea pra la scumenciadiva giàpen per uni 5,00 Euro
che n spënd n pont – chësc pont a forma de bolin ie da taché su sun na cherta ulache l va su 20 ponc.
5. Tantosc che la cherta ie plëina dëssen scrì su dovia l inuem y l’adres y pona la smaché ite te una dla urnes metudes
su pra la purtines dla Cassa Raiffeisen de Sëlva de un di trëi chemuns de Gherdëina, Urtijëi, S. Cristina o
Sëlva o scenó data ju te una dla butëighes o ustaries che fej pea pra la azion, che se cruzierà pona de la smaché
ite tla urnes.
6. I pesc´ vën trac ora danter 3 iedesc. N sada ai 8 de dezëmber, dala 16.30 a Urtijëi (plaza Rezia) vëniel trat ora
la chertes smachedes ite tla urnes danter i 19 de nuvëmber y i 8 de dezëmber. N sada ai 15 de dezëmber, dala
16.30 a S. Cristina (marcià da Nadel, raion Iman) vëniel trat ora chëles smachedes ite danter i 9 y i 15 de
dezëmber y n sada ai 23 de dezëmber, dala 21.00 te Sëlva (plaza de chemun) la chertes smachedes ite tla urnes
danter i 16 y i 23 de dezëmber.
7. Chisc trëi iedesc vëniel trat ora i 5 pesc´ che vën do:
• n viac per doi persones “all inclusive” (da tré ora danter chisc trëi luesc: Maledives, Mauritius o S. Domingo, dl
valor de € 4.500,00).
• n viac de n’ena per doi persones “all inclusive” (da tré ora danter chisc trëi luesc: Egitto, Marocco y Tunisia dl
valor de € 1.500,00).
• 1 “short stay” de 3 o 4 dis per doi persones tl Adler Terme tla Toscana, da n valor de 600,00 € prun.
• 1 bonn da 500,00 € (cincënt) da pudëi spënder te un di eserzizies che fej pea pra la azion.
• 1 cëina per doi persones, data ca dala Lia di Osc’ de Gherdëina, valor 100,00 €.
8. N messerà jì a se tò l pest dan i 31.01.2008 y l adurvé su dan i 31.12.2008, l urganisadëur dla azion renunzieia
de s’la fé valëi pra chëi che à venciù aldò dl art. 30 dl DPR 600/73 mudà cun l art. 19, coma 2, lege 449/97.
9. I pesc’ che ne n’ie nchin a chësc di nia unic dac via, unirà dac a chësta lia zënza fins de davani: “Sustëni ala vita
Onlus” cun sënta a Urtijëi, streda Roma 101, cod. fisc. 80017310212.
Firma che mët a jì la azion: Konditorei Perathoner des Perathoner Guido Vincenzo, Via Mulin da Coi 21, 39047 S.Cristina - P.I. 00747000214 Cod. fisc. PRTGVN68A27B160K
Defendura de dac persunei (art. 13, D.lgs 196/3003)
I dac persunei che vën dac ju per fé pea pra l cuncors unirà nce tratei dal urganisadëur tla forma digitela, ma mé per chël che à da
n fé cun chësc cuncors da pesc’. A chisc dac ne puderà degun auter ti ruvé permez. L ie de cumpetënza di partezipanc de se fé valëi
la rejons ududes danora dal art. 17 dla lege 196/2003; i puderà ruvé permez ai dac damandan de i cumedé, de junté velch y de i
sferië ora o de i fermé.
